Тадбирлар давомида ўқувчи-ёшларга стартап лойиҳаларни ишлаб чиқиш, истиқболли ғояларни амалий лойиҳаларга айлантириш, уларни амалга ошириш босқичлари ҳамда мавжуд қўллаб-қувватлаш имкониятлари ҳақида маълумот берилди.

Шунингдек, ёшларда инновацион фикрлашни ривожлантириш, тадбиркорликка қизиқишни ошириш ва ўз бизнес ғояларини рўёбга чиқаришга йўналтириш масалаларига алоҳида эътибор қаратилди.

Асосий мақсад — ёшларнинг инновацион салоҳиятини юзага чиқариш, истиқболли ғояларини қўллаб-қувватлаш ҳамда келгусида муваффақиятли стартап лойиҳаларини амалга оширишлари учун зарур билим ва кўникмаларни шакллантириш.