Навбатдаги дарслар Гурлан туманидаги 1-сон техникум, 2-, 24- ва 44-сон умумий ўрта таълим мактаблари, шунингдек, Урганч туманидаги 4-сон техникум, 23-, 33- ва 43-сон умумий ўрта таълим мактабларида ташкил этилди.

Машғулотлар давомида ўқувчиларга инновацион ғояларни амалиётга жорий этиш, тадбиркорлик фаолиятини йўлга қўйиш ва ривожлантиришда норматив-ҳуқуқий ҳужжатларнинг ўрни ҳақида маълумотлар берилди.

Шунингдек, ёшларнинг инновацион фикрлаш қобилиятини ривожлантириш, янги ғояларни шакллантириш, уларни амалий лойиҳаларга айлантириш ҳамда тадбиркорлик ташаббусларини қўллаб-қувватлаш бўйича тушунчалар мустаҳкамланди.

Дарслар назарий маълумотлар билан бир қаторда савол-жавоб, муҳокама ва амалий топшириқлар асосида олиб борилиб, ўқувчиларнинг машғулотлардаги фаол иштироки таъминланди.

Мазкур машғулотлар ёшларнинг замонавий билим ва кўникмаларини ривожлантириш, уларда инновацион ёндашув ҳамда тадбиркорликка оид тасаввурларни шакллантиришга хизмат қилмоқда.