Navbatdagi darslar Gurlan tumanidagi 1-son texnikum, 2-, 24- va 44-son umumiy o‘rta ta’lim maktablari, shuningdek, Urganch tumanidagi 4-son texnikum, 23-, 33- va 43-son umumiy o‘rta ta’lim maktablarida tashkil etildi.

Mashg‘ulotlar davomida o‘quvchilarga innovatsion g‘oyalarni amaliyotga joriy etish, tadbirkorlik faoliyatini yo‘lga qo‘yish va rivojlantirishda normativ-huquqiy hujjatlarning o‘rni haqida ma’lumotlar berildi.

Shuningdek, yoshlarning innovatsion fikrlash qobiliyatini rivojlantirish, yangi g‘oyalarni shakllantirish, ularni amaliy loyihalarga aylantirish hamda tadbirkorlik tashabbuslarini qo‘llab-quvvatlash bo‘yicha tushunchalar mustahkamlandi.

Darslar nazariy ma’lumotlar bilan bir qatorda savol-javob, muhokama va amaliy topshiriqlar asosida olib borilib, o‘quvchilarning mashg‘ulotlardagi faol ishtiroki ta’minlandi.

Mazkur mashg‘ulotlar yoshlarning zamonaviy bilim va ko‘nikmalarini rivojlantirish, ularda innovatsion yondashuv hamda tadbirkorlikka oid tasavvurlarni shakllantirishga xizmat qilmoqda.