Бугун Хоразм вилоятидаги барча умумтаълим мактабларида янги ўқув йилининг илк куни — “Биринчи қўнғироқ” тадбирлари кўтаринки руҳда ўтказилмоқда.

Жорий ўқув йилида вилоятимиздаги 544 та умумтаълим мактабининг 1-синфига 41 минг 464 нафар ўқувчи қабул қилинди. Бугун минглаб болажонлар учун мактаб остонасидаги илк қадам, илк қўнғироқ садоси ва янги билимлар сари катта йўл бошланди.

Аҳамиятлиси, барча 1-синф ўқувчиларига 12 турдаги ўқув қуролларидан иборат 41 минг 464 дона “Президент совғалари” тўлиқ етказиб берилди.

Янги ўқув йили барча ўқувчи ва ўқитувчиларимиз учун муваффақиятли ва зафарларга бой бўлишини тилаймиз!