Бугун ёш иқтидор эгалари иштирокида “ROBO-CODING” олимпиадасининг учинчи – ҳудудий босқичи ўз ишини бошлади.

Бугунги беллашув 5–8-синф ўқувчилари ўртасида бўлиб ўтмоқда.

Олимпиада жараёнлари Урганч шаҳар Ал-Хоразмий ихтисослаштирилган мактаби Урганч филиали биносида юқори даражада ташкил этилди.

Мазкур олимпиада ўқувчиларнинг дастурлаш, робототехника ва алгоритмик фикрлаш бўйича билим ва кўникмаларини янада ривожлантириш, уларнинг ижодий ва инновацион салоҳиятини қўллаб-қувватлашга хизмат қилади.

14-апрел куни эса беллашувлар 9–11-синф ўқувчилари ўртасида давом эттирилади.

“ROBO-CODING” — келажак дастурчилари ва ихтирочилари учун катта имкониятлар майдони.