Хабарингиз бор, кеча 5 февраль куни  «Вилоят ҳокими олимпиадаси» бўлиб ўтди. 
Олимпиадада 146 нафар 7-8-синф ўқувчилари математика фанидан ўзаро беллашдилар.  

Олимпиаданинг якуний натижаларига кўра 7-синф ўқувчилари ўртасида фахрли ўринларни қуйидаги ўқувчилар эгалладилар:
1-ўрин – Ҳазорасп туманидаги «Тўлқин-ФМ» нодавлат таълим муассасаси ўқувчиси Мунисбек Бекчанбоев;
2-ўрин – Президент таълим муассасалари агентлигига қарашли Хива шаҳар 2-сон ихтисослаштирилган мактаб-интернати ўқувчиси Отаназар Сапаров;
3-ўрин – Хонқа туманидаги 33-сон мактаб ўқувчиси Аслбек Тўраев.

8-синф ўқувчилари ўртасида фахрли ўринларни қуйидаги ўқувчилар эгалладилар:
1-ўрин – Президент таълим муассасалари агентлигига қарашли Шовот туманидаги ихтисослаштирилган мактаб-интернати ўқувчиси Шохруз Бобожонов;
2-ўрин – Ҳазорасп туманидаги «Тўлқин-ФМ» нодавлат таълим муассасаси ўқувчиси Бунёд Искандаров;
3-ўрин – Янгиариқ туманидаги 11-сон мактаб ўқувчиси Махмуджон Боғибеков.

Вилоят ҳокимлиги томонидан
1-ўринни эгалллаган ўқувчилар 5 млн сўм,
2-ўринни эгалллаган ўқувчилар 4 млн сўм,
3-ўринни эгалллаган ўқувчилар 3 млн сўм миқдорида пул мукофоти билан тақдирландилар.