Янгибозор туманида мактабгача таълим тизимини ривожлантириш борасидаги ишлар изчил давом этмоқда. Хусусан, “Мингбоғолон” маҳалласида 9-сон ҳамда “Ҳайват” маҳалласида 23-сон мактабгача таълим ташкилотлари янги, замонавий биноларда ўз фаолиятини бошлади.

Мазкур ташкилотларнинг очилиш маросимида фахрийлар, маҳалла фаоллари ҳамда мактабгача таълим ташкилотлари мудиралари иштирок этди. Ҳар бири 90 ўринга мўлжалланган ушбу мактабгача таълим ташкилотлари замонавий давлат талаблари асосида жиҳозланиб, тарбияланувчиларнинг сифатли таълим-тарбия олиши учун барча зарур шарт-шароитлар yaratildi.