ИЖСО-2025: 22-Халқаро ўсмирлар табиий фанлар олимпиадаси учун Ўзбекистон терма жамоасига номзодларни саралаш мақсадида Фан олимпиадалари маркази томонидан жорий йилнинг 6-19-октябр кунлари  кучайтирилган ўқув машғулотлари ташкил этилди. Мазкур ўқув машғулотларининг 2-босқичида Хоразм вилоятидан 4 нафар ўқувчилар иштирок этди.

Ушбу халқаро олимпиадага саралашнинг якуний босқичи натижаларига кўра Қўшкўпир туманидаги Ихтисослашган мактабнинг 9-синф ўқувчиси Меҳриддин Машарипов Ўзбекистон терма жамоаси таркибига энг юқори балл билан кириб халқаро олимпиадага қатнашиш имкониятини қўлга киритди.

Бу ютуқ – нафақат Машарипов Меҳриддиннинг, балки унинг устозлари ва бутун вилоятимиз таълим тизимининг фахридир. 

Машарипов Меҳриддинга халқаро босқичда улкан зафарлар, омад ва янги чўққиларни забт этишини тилаймиз!