Хоразм вилояти Урганч тумани Мироблар маҳалласида барча қулайликларга эга, шинам ва замонавий 29-сон давлат мактабгача таълим ташкилоти фойдаланишга топширилди. 

Эндиликда ушбу маҳалладаги 3–7 ёшли 246 нафар боладан 120 нафари янги ташкил этилган боғчада замонавий шароитларда таълим-тарбия олиш имкониятига эга бўлди. 

Мазкур маскан Урганч тумани ҳокимлиги ташаббуси билан, тумандаги 48-сон мактабнинг бўш турган биносида қайта таъмирланиб, болажонлар учун қувончли масканга айлантирилди. 

Янги боғча – болажонлар учун меҳр, эзгулик ва келажак сари йўл!