Урганч шаҳридаги 1-сон мактаб-интернатида форумнинг амалий қисми 14 та шўба кесимида ўтказилмоқда. Унда илғор педагоглар турли фан йўналишлари бўйича тренинг ва маҳорат дарсларида қатнашмоқда.

Машғулотларда:
• танқидий фикрлаш асосида дарс ташкил этиш;
• мезонларга асосланган баҳолаш тизими;
• лойиҳага асосланган таълим методлари;
• эМактаб платформасидан самарали фойдаланиш;
• мактабгача таълимда инновацион ўйин методлари ёритилди.

Тренинглар ҳудудларда каскад усули асосида давом эттирилади. Натижада, форумда ўрганилган илғор тажрибалар барча мактаб ва боғчаларга етказилади.