Мактабгача ва мактаб таълими вазири ўринбосари Сардор Раджапов Янгибозор туманига ташриф буюриб, ҳудудда ташкил этилаётган "Илк ривожланиш маркази"да яратилган шарт-шароитлар билан яқиндан танишди.

Шунингдек, у тумандаги 27-сон давлат мактабгача таълим ташкилотида ҳам бўлиб муассаса фаолияти, болалар учун яратилган имкониятлар ва тарбия-таълим жараёнлари билан танишди.

Ташриф доирасида Хоразм вилояти Педагогик маҳорат марказининг замонавий ўқув аудиториялари, техник воситалар билан жиҳозланган дарс хоналари ҳамда тингловчилар учун яратилган қулай ётоқхона шароитлари ҳам кўздан кечирилди. У ердаги педагоглар учун яратилган дидактик материаллар, мултимедиа ускуналари ва самарали ўқув муҳити алоҳида эътироф этилди.