Maktabgacha va maktab ta’limi vaziri o‘rinbosari Sardor Radjapov Yangibozor tumaniga tashrif buyurib, hududda tashkil etilayotgan "Ilk rivojlanish markazi"da yaratilgan shart-sharoitlar bilan yaqindan tanishdi.

 Shuningdek, u tumandagi 27-son davlat maktabgacha ta’lim tashkilotida ham bo‘lib muassasa faoliyati, bolalar uchun yaratilgan imkoniyatlar va tarbiya-ta’lim jarayonlari bilan tanishdi.

Tashrif doirasida Xorazm viloyati Pedagogik mahorat markazining zamonaviy o‘quv auditoriyalari, texnik vositalar bilan jihozlangan dars xonalari hamda tinglovchilar uchun yaratilgan qulay yotoqxona sharoitlari ham ko‘zdan kechirildi. U yerdagi pedagoglar uchun yaratilgan didaktik materiallar, multimedia uskunalari va samarali o‘quv muhiti alohida e’tirof etildi.