Ўқув йили давомида юқори натижаларга эришган, намунали хулқ-атвори ва фаоллиги билан ажралиб турган 50 нафар битирувчига олтин ва кумуш медал ҳамда уларнинг ота-оналарига ташаккурномалар топширилди.

Ушбу мукофотларни битирувчиларга тантанали равишда Хива шаҳар ҳокими Темур Давлетов шахсан топширди.

Шаҳар раҳбари ўз нутқида ёшларга келгусидаги таълим йўли ва ҳаётда улкан зафарлар тилаб, уларнинг билимга бўлган интилиши ва ташаббускорлигини алоҳида эътироф этди.

Мазкур мукофотлар ёшларга билдирилаётган юксак ишонч ва эътибор, уларнинг меҳнати, сабр-тоқати ҳамда билимга бўлган изчил интилишининг амалий ифодасидир.