Бугун Хоразм вилояти Мактабгача ва мактаб таълими бошқармасида вилоят Прокуратураси масъуллари иштирокида соҳада коррупциявий ҳолатларни олдини олиш ҳамда ушбу салбий иллатга қарши курашишга қаратилган тарғибот тадбири ўтказилди. 

Унда Вилоят прокурори ўринбосари адлия катта маслаҳатчиси Худайберди Норқобилов, вилоят прокурори катта ёрдамчиси адлия маслаҳатчиси Шерзод Артиқов ҳамда бошқарма бошлиғи Хамро Бектемиров сўзга чиқиб, Давлатимиз Раҳбарининг жорий йил 5-март куни Коррупцияга қарши курашиш миллий кенгаши йиғилишида иштирок этиб,  юртимизда коррупциядан ҳоли муҳит яратиш бўйича қилинган ишларга баҳо берилганлиги ва келгусида қилиниши лозим бўлган вазифаларнинг мазмун-моҳияти тушунтирилди. 

Тадбирда коррупция жамиятимиздаги энг салбий иллат эканлиги тушунтирилиб, бу каби ҳолатларни олдини олиш бўйича таклифлар тингланди.