Урганч туманидаги 47-сон АФЧЎИМ ва тадбиркорлар ўртасидаги ҳамкорлик ўз самарасини бермоқда. Шу асосда, "Файз Барака" МЧЖ билан имзоланган меморандум доирасида ўқувчилар иссиқхона фаолияти билан танишиш ва амалиёт ўташ имкониятига эга бўлдилар.  

Ташриф давомида ёшлар иссиқхонадаги иш жараёнларини кузатиб, кўчат парвариши, ҳосилдорликни ошириш ва ер унумдорлигини яхшилаш бўйича билим ва кўникмаларга эга бўлдилар. Улар ўз келажакларини қишлоқ хўжалиги билан боғлаш, ҳатто шахсий кичик иссиқхоналарини ташкил этиш ниятида эканликларини мамнуният билан билдирдилар.  

Хоразм вилояти Прокуратураси, Мактабгача ва мактаб таълими бошқармаси ҳамда Савдо-саноат палатаси Хоразм вилояти ҳудудий бошқармаси ҳамкорлигида амалга оширилаётган ушбу лойиҳа ёшларнинг тадбиркорлик ва меҳнатга бўлган қизиқишини оширишда муҳим аҳамият касб этмоқда.