Мактабгача ва мактаб таълими вазирлиги масъул ходимларидан иборат Ишчи гуруҳ аъзолари Хоразм вилоятидаги касб-ҳунар ўқитиш жорий этилган мактабларда яратилган шароитлар, касбий таълим усталарининг дарс ўтиш жараёнларини ўрганди.

Хусусан, ушбу турдаги мактаб директорлари, касбий таълим усталари ва методист психологлар иштирокида касбий таълимни ривожлантириш масалаларига бағишланган ўқув семинари ўтказилди. Унда иштирокчиларнинг касбий таълимни ривожлантириш борасидаги таклифлари тингланди, мавзуга доир саволларга мутахассислар томонидан атрофлича жавоб бериб ўтилди.
 
Шунингдек, касбий таълим усталарига методик ёрдам бериш, уларнинг касбий маҳоратини доимий ошириб бориш мақсадида Қорақалпоғистон Республикаси тажрибаси асосида ҳар ойнинг биринчи ва учинчи душанбаси "Касбий таълимни ривожлантириш куни" этиб белгиланди.