Тантанали маросимда вилоят ҳокими Жўрабек Рахимов сўзга чиқиб, барчани яқинлашиб келаётган мустақиллигимизнинг 33 йиллиги ҳамда янги ўқув йили билан муборакбод этди, юрт равнақи, мамлакат истиқболи ва тараққиёти, келажагимиз эгаларини ҳар жиҳатдан илму-салоҳиятли, замонавий билимларни чуқур ва мукаммал эгаллаган ўғил-қизлар бўлиб камол топиштириш таълим соҳаси вакилларига боғлиқ эканини алоҳида таъкидлади.

Тадбир давомида таълим-тарбия тизимида алоҳида ўрнак кўрсатган, вилоятда таълим тизимини ривожлантиришга муносиб ҳисса қўшаётган, фаол, ташаббускор ва изланувчан, муносиб натижаларга эришаётган умумтаълим мактаби ўқитувчилари ва давлат мактабгача таълим ташкилотлари тарбиячилари фахрий ёрлиқ ва эсдалик совғалари билан тақдирланди.