Tantanali marosimda viloyat hokimi Jo‘rabek Raximov so‘zga chiqib, barchani yaqinlashib kelayotgan mustaqilligimizning 33 yilligi hamda yangi o‘quv yili bilan muborakbod etdi, yurt ravnaqi, mamlakat istiqboli va taraqqiyoti, kelajagimiz egalarini har jihatdan ilmu-salohiyatli, zamonaviy bilimlarni chuqur va mukammal egallagan o‘g‘il-qizlar bo‘lib kamol topishtirish ta’lim sohasi vakillariga bog‘liq ekanini alohida ta’kidladi.

Tadbir davomida ta’lim-tarbiya tizimida alohida o‘rnak ko‘rsatgan, viloyatda ta’lim tizimini rivojlantirishga munosib hissa qo‘shayotgan, faol, tashabbuskor va izlanuvchan, munosib natijalarga erishayotgan umumta’lim maktabi o‘qituvchilari va davlat maktabgacha ta’lim tashkilotlari tarbiyachilari faxriy yorliq va esdalik sovg‘alari bilan taqdirlandi.