Янги ўқув йили бошланишига ҳам саноқли кунлар қолди. Билимлар кунига тайёргарлик мактаб формасини харид қилишдан бошланади. 

Айни кунларда вилоятимиз мактабларида ота-оналар, тадбиркорлар, ўқувчи ва ўқитувчилар иштирокида ташкил этилаётган “Мактаб формалари ярмаркаси” ота-оналарга ўз фарзандлари учун ҳар томонлама қулай, ҳам сифатли ва ҳамёнбоп мактаб либосларини танлаб, харид қилишда жуда қўл келмоқда.

Кеча, 12 август куни Хонқа туманидаги 6-сон умумтаълим мактабида ҳам ота-оналарга қулайлик яратиш мақсадида "Мактаб формаси ярмаркаси" намунали тарзда ташкил этилди.