Yangi o‘quv yili boshlanishiga ham sanoqli kunlar qoldi. Bilimlar kuniga tayyorgarlik maktab formasini xarid qilishdan boshlanadi. 

Ayni kunlarda viloyatimiz maktablarida ota-onalar, tadbirkorlar, o‘quvchi va o‘qituvchilar ishtirokida tashkil etilayotgan “Maktab formalari yarmarkasi” ota-onalarga o‘z farzandlari uchun har tomonlama qulay, ham sifatli va hamyonbop maktab liboslarini tanlab, xarid qilishda juda qo‘l kelmoqda.

Kecha, 12-avgust kuni Xonqa tumanidagi 6-son umumta’lim maktabida ham ota-onalarga qulaylik yaratish maqsadida "Maktab formasi yarmarkasi" namunali tarzda tashkil etildi.