Хоразм вилоятида 31 июль, чоршанба куни вилоят ИИББ ЙҲХБ билан ҳамкорликда навбатдаги “Автомобилсиз кун” акцияси ўтказилади. 

Акция Ўзбекистон Президентининг 21-февралдаги 37-сонли қарорига мувофиқ ҳар ойнинг тўртинчи чоршанбасида ўтказилиши режалаштирилган.

31 июль куни вилоятимиздаги барча давлат идоралари раҳбарлари ва ходимларига шахсий транспорт воситаларидан воз кечиш ва жамоат транспорти, велосипед ҳамда атроф-муҳитга зарар етказмайдиган транспорт турларидан фойдаланиш тавсия қилинади. 

Ҳурматли юртдошлар! Барчангизни “Автомобилсиз кун” жамоат лойиҳасига бефарқ бўлмасликка, экологик тоза транспорт воситаларидан фойдаланишга чақирамиз. Зеро атроф-муҳитни асраш барчамизнинг бурчимиздир.