Бугун, 8-июл куни Мактабгача ва мактаб таълими вазирлиги томонидан юқори малакали давлат мактабгача таълим ташкилотлари методист-тарбиячи ва тарбиячиларини аниқлаш ҳамда рағбатлантириш мақсадида ташкил этилган “Йилнинг энг яхши тарбиячиси — 2024” танловининг Хоразм вилоят босқичига старт берилди. 

Унда танловнинг шаҳар ва туман босқичларида ғолибликни қўлга киритган 71 нафар методист-тарбиячи ва тарбиячилар иштирок этишмоқда. 

12-июл кунига қадар давом этадиган танлов жараёнида иштирокчилар 3 та шарт асосида ўзаро беллашадилар.  

Бугун иштирокчилар дастлабки шарт – тест синовларини топширяптилар. Натижаларга кўра, 26 ва ундан юқори бал тўплаган иштирокчилар кейинги босқичга иштирок этиш ҳуқуқига эга бўлади.