Бугун Хоразм вилояти Мактабгача ва мактаб таълими бошқармаси ҳамда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги Хоразм вилоят бошқармаси ҳамкорлигида таълим муассасалари ва мактабгача таълим ташкилотларида озиқ-овқат сифати ва хавфсизлигига бағишланган медиа тур ўтказилди. 

Тадбир давомида Хива шаҳридаги 11-сонли мактабда кейтеринг тадбиркор томонидан бошланғич синф ўқувчиларига етказиб берилаётган бепул тушлик озиқ-овқат маҳсулотларини қабул қилиб олиш ва тарқатиш жараёнлари кузатилди. 

Шундан сўнг, шаҳардаги 13-сонли Давлат мактабгача таълим ташкилотида тарбияланувчиларнинг соғлом ва хавфсиз овқатланиш жараёнлари ўрганилиб, хусусан уларга берилаётган озиқ-овқат маҳсулотларининг сифати ва уларнинг сақланиши, санитария-гигиена ҳолатлари билан танишилди. 

Пресс тур давомида иштирокчилар ўзларини қизиқтирган барча саволларига жавоб олдилар.