Bugun Xorazm viloyati Maktabgacha va maktab ta’limi boshqarmasi hamda O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Xorazm viloyat boshqarmasi hamkorligida ta’lim muassasalari va maktabgacha ta’lim tashkilotlarida oziq-ovqat sifati va xavfsizligiga bag‘ishlangan media tur o‘tkazildi. 

Tadbir davomida Xiva shahridagi 11-sonli maktabda keytering tadbirkor tomonidan boshlang‘ich sinf o‘quvchilariga yetkazib berilayotgan bepul tushlik oziq-ovqat mahsulotlarini qabul qilib olish va tarqatish jarayonlari kuzatildi. 

Shundan so‘ng, shahardagi 13-sonli Davlat maktabgacha ta’lim tashkilotida tarbiyalanuvchilarning sog‘lom va xavfsiz ovqatlanish jarayonlari o‘rganilib, xususan ularga berilayotgan oziq-ovqat mahsulotlarining sifati va ularning saqlanishi, sanitariya-gigiyena holatlari bilan tanishildi. 

Press tur davomida ishtirokchilar o‘zlarini qiziqtirgan barcha savollariga javob oldilar.