Gyote-Institutining O‘zbekistondagi filiali tomonidan PASCH hamkorlik loyihasi doirasida Farg‘ona viloyati Oltiariq tumanidagi 38-sonli hamkor maktabda “Improvizatsion teatr orqali og‘zaki nutqni yaxshilash” mavzusida mahorat darsi tashkil etildi.

Mazkur tadbirda Urganch shahridagi 19-sonli hamkor maktab o‘quvchilari ham faol ishtirok etdi.

Mashg‘ulotlar davomida o‘quvchilar improvizatsion teatr elementlari orqali og‘zaki nutqini rivojlantirish, erkin fikrlash, sahnada o‘zini tutish hamda muloqot jarayonidagi tortinchoqlikni yengish bo‘yicha amaliy ko‘nikmalarga ega bo‘ldilar.

Tadbir ishtirokchilarda katta taassurot qoldirib, ularning xorijiy tillarni o‘rganishga bo‘lgan qiziqishini yanada oshirdi.