Maktabgacha ta’lim tashkilotlari tarbiyalanuvchilari o‘rtasida tashkil etilgan “Tabiat bolalar nigohida” rasmlar tanlovi yuksak saviyada o‘tkazildi.

Mazkur tanlov O‘zbekiston Respublikasi Prezidentining 2025-yil 15-maydagi PQ-184-son qarori hamda tegishli buyruqlar ijrosini ta’minlash maqsadida tashkil etilib, bolalarda tabiatga mehr, ekologik madaniyat va atrof-muhitni asrab-avaylash tuyg‘ularini shakllantirishga xizmat qildi.

Tanlovda:
MTT bosqichida – 4149 nafar tarbiyalanuvchi
tuman (shahar) bosqichida – 566 nafar
viloyat bosqichida – 26 nafar iqtidorli bolajonlar ishtirok etdi

2026-yil 14-aprel kuni Xiva shahrida bo‘lib o‘tgan viloyat bosqichi chinakam bayram ruhida tashkil etildi.

G‘oliblar:

O‘g‘il bolalar o‘rtasida:
1-o‘rin – Urganch shahar 11-son DMTT tarbiyalanuvchisi Annamurodali Erkinov
2-o‘rin – Yangibozor tumani 26-son DMTT tarbiyalanuvchisi Azizbek Bahodirov
3-o‘rin – Shovot tumani 41-son DMTT tarbiyalanuvchisi Musobek Bobojonov

Qiz bolalar o‘rtasida:
1-o‘rin – Yangibozor tumani 17-son DMTT tarbiyalanuvchisi Kumushoy Tursunbekova
2-o‘rin – Urganch shahar 25-son DMTT tarbiyalanuvchisi Iymona Allaberganova
3-o‘rin – Xiva shahar 8-son DMTT tarbiyalanuvchisi Sabrina Zafarbekova

Tanlov yakunida barcha g‘oliblar va faol ishtirokchilar esdalik hamda qimmatbaho sovg‘alar bilan taqdirlandi.