2025-yil 10–31-avgust kunlari “Maktablar: kelajak hamkorlari” loyihasi doirasida Urganch shahar 19-son maktab o‘quvchilari Kamola Masharibova va Olimbek Baxtiyorov, Xiva shahar 9-son maktab o‘quvchilari Ruzikajon Egamberganova va Rayxon Ravshanbekova nemis tili o‘qituvchisi hamrohligida Germaniyaning Bamberg shahrida uch haftalik yozgi yoshlar kurslarida qatnashib qaytdilar.

 Kurs davomida:

Germaniyalik tajribali o‘qituvchilar tomonidan mashg‘ulotlar o‘tkazildi;

Bo‘sh vaqtlarda sport (basketbol, futbol, workout) hamda ijodiy mashg‘ulotlarda ishtirok etildi;

Dam olish kunlari tarixiy muzeylar va tog‘li hududlarga sayohatlar uyushtirildi.

 Yakuniy imtihonlarda o‘quvchilar xalqaro “Goethe Zertifikat”larini qo‘lga kiritishdi. 

 Ta’lim sayohati bilan bog‘liq barcha xarajatlar Gyote-Instituti tomonidan qoplab berildi.