Bugun mamlakatimizdagi barcha maktablarida  birinchi qo‘ng‘iroq sadolari jarangladi. Viloyatimizda 38 ming nafardan ziyod o‘g‘il-qizlar maktab ostonasiga ilk qadam qo‘yib, 1-sinfga qabul qilindi. 

 Urganch shahridagi  5-sonli   umumta’lim maktabida o‘tkazilgan  tadbirda viloyat hokimi Jo‘rabek Raximov  ishtirok etdi. (https://t.me/xorazm_uz_rasmiy/15614)

Joriy yilda 15 mlrd 300 mln  mablag‘ sarflanib, ushbu maktab uchun 990 o‘rinli qo‘shimcha yangi o‘quv binosi qurildi va eski binosi rekonstruksiya qilindi. Natijada dars mashg‘ulotlari 1 smenaga o‘tkazilib,  o‘quvchilarning puxta bilim olishlari, turli to‘garaklarga qatnashishlari uchun  sharoitlar yaratildi.  

 Viloyat hokimi maktab jamoasini yangi o‘quv binosi, o‘quv yilining boshlanishi bilan qutlab, kelgusi o‘qish va ishlarida omad tiladi, 1-sinf o‘quvchilariga  chiroyli portfel va o‘quv qurollari to‘plamidan iborat "Prezident sovg‘asi"ni  topshirdi.