Xabaringiz bor, joriy yil 3-iyun kuni Abu Rayhon Beruniy nomidagi xalqaro kimyo olimpiadasi g‘oliblarini tantanali taqdirlash marosimi bo‘lib o‘tdi. 

Ushbu nufuzli olimpiadada yurtimiz sharafini munosib himoya qilgan yoshlarimiz orasida — Qo‘shko‘pir tumanidagi 1-son ixtisoslashtirilgan maktab-internati o‘quvchisi Erkinov Azizbek faxrli uchinchi o‘rinni egallab, bronza medaliga sazovor bo‘ldi 

Bu yutuq — Azizbekning mehnati, ustozlarining sabr-toqati va ota-onasining qo‘llab-quvvatlashi, shuningdek, ta’lim tizimiga qo‘shilgan fidokorona hissalarning natijasidir.

G‘olibimiz o‘qiyotgan maktabda boshqarma rahbariyati hamda Qo‘shko‘pir tumani Maktabgacha va maktab ta’limi bo‘limi boshlig‘i ishtirokida tantanali tarzda taqdirlandi.

Bunday zafarlar — yosh avlodga kuch, ishonch va ilhom bag‘ishlaydi!