Prezidentimiz rahbarligida 15-may kuni bo‘lib o‘tgan videoselektor yig‘ilishida maktab ta’limida islohotlarni yanada chuqurlashtirish va raqamli infratuzilmani rivojlantirish masalalari ustuvor vazifa sifatida belgilandi.

 Bu yo‘lda xorijdagi diplomatik vakolatxonalar ham faol ishtirok etmoqda. Yaqinda, O‘zbekistonning Polshadagi elchisi Amirsaid A’zamxo‘jayev Xorazm viloyati, Gurlan tumanidagi 33-sonli umumta’lim maktabiga tashrif buyurib, Polshaning “Ekinoks” kompaniyasi tomonidan taqdim etilgan zamonaviy noutbuklarni maktab o‘quvchilariga topshirdi. 

Bu — ta’lim sifatini oshirish, bolalarning bilimga bo‘lgan qiziqishini kuchaytirish va ularni raqamli dunyoga yanada yaqinlashtirish yo‘lida muhim qadam.

Yangi texnologiyalar — yangi imkoniyatlar!