Bugun Yangibozor tumanidagi 14-umumiy o‘rta ta’lim maktabida “Dolzarb 90 kunlik” dasturi doirasida tuman seminari tashkil etildi.

 Seminar maqsadi — o‘quvchilarning yozgi ta’til davrini mazmunli tashkil etish, bo‘sh vaqtlarini samarali va foydali o‘tkazish, sog‘lom turmush tarziga, sportga va ijodiy faoliyatga keng jalb qilishdan iborat.

 Tadbir davomida:
— Maktablarda faoliyat yuritayotgan to‘garaklar, sport va ijodiy mashg‘ulotlar namoyish etildi;
— Pedagoglar o‘rtasida tajriba almashinuvi va uslubiy tavsiyalar muhokama qilindi;
— O‘quvchilarning qiziqishlari, iste’dodlarini aniqlashga qaratilgan amaliy mashg‘ulotlar o‘tkazildi.

Seminar doirasidagi sport bellashuvlari, kitobxonlik daqiqalari, badiiy chiqishlar va musiqiy dasturlar yig‘ilganlarda katta taassurot qoldirdi.