Bugun Xorazm viloyati maktabgacha va maktab ta’limi boshqarmasi
xodimlari ishtirokida "Korrupsiyaga qarshi kurashish umummilliy vazifa", "Korrupsiya jamiyat kushandasi" mavzusida tadbir bo‘lib o‘tdi. 

Yig‘ilish davomida boshqarma boshlig‘ining birinchi o‘rinbosari Qahramon Zaripov bugungi kunda boshqarma va tizim tashkilotlari rahbarlari  tomonidan sodir qilinayotgan  maishiy korrupsiya,  ta'magirlik hamda mansab suiste’moli bilan bog‘liq holatlar va buni oldini olish uchun Davlatimiz Rahbarining joriy yil 5-mart kuni Korrupsiyaga qarshi kurashish milliy kengashi yig‘ilishida qilgan ma’ruzasi yuzasidan to‘xtalib o‘tdi. 

Shuningdek, tadbir davomida  Xorazm viloyati maktabgacha va maktab ta’limi boshqarmasining  Korrupsiyaga qarshi kurash va huquqiy nazorat sho‘basi bosh mutaxassisi Alisher Xasanovning tizimda korrupsiyaga qarshi kurashish  yuzasidan 2024-yil davomida  qilingan ishlar  yuzasidan hisoboti tinglandi.