Xorazm viloyatida yuksak ko‘tarinkilik va zo‘r tayyorgarlik bilan tashkil etilgan “Xayr bog‘cha, salom maktab!”  tadbiri bolajonlar uchun unutilmas onlarni tuhfa etdi. 

Viloyat markazi – Urganch shahridagi Ogahiy nomidagi viloyat musiqali va drama teatrida barcha shahar va tumanlardan tadbirga taklif etilgan bolajonlarni viloyat hokimi Jo‘rabek Raximov bayram munosabati bilan muborakbod etib, ularga ezgu tilaklar bildirdi. 

“Xayr bog‘cha, salom maktab!”  tadbiriga taklif qilingan bolajonlar musiqali va drama teatri sahnasidagi betakror tomoshalar, quvnoq she’r-qo‘shiqlar, jozibali raqslar va jo‘shqin lahzalar orqali bayram zavqini tuydilar.