Гурлан тумани «Беш уй» маҳалласида жойлашган 45-сонли умумтаълим мактабида «Ўзбекистон Чернобилчилар ассоциацияси» Хоразм вилояти бўлими, Маънавият ва маърифат маркази Гурлан туман бўлинмаси ҳамда туман ХТБ билан ҳамкорликда мактабнинг ўқувчи ёшлари иштирокида «Жаҳолатга қарши – маърифат» шиори асосида маънавий-маърифий давра суҳбати ўтказилди. 

Давра суҳбатида диний бағрикенглик, миллатлараро тотувлик ғояларини кенг тарғиб қилиш, ёшларни ватанпарварлик руҳида тарбиялаш, диний экстремизм ва терроризмнинг салбий оқибатлари, уларни олдини олиш мақсадида фикр ҳамда мулоҳазаларни билдириб ўтдилар.

Учрашув давомида ўқувчилар билан викторина ташкиллаштирилди ва ғолиб ўқувчилар «Ўзбекистон Чернобилчилар ассоциацияси» Хоразм вилояти бўлими томонидан совғаларга эга бўлдилар.