Танловда умумий ўрта таълим мактаблари, шунингдек Президент, ижод ва ихтисослаштирилган мактаблар ҳамда давлат ва нодавлат таълим муассасаларининг 5–11-синф ўқувчилари иштирок этмоқда.

 Вилоят босқичида 50 та жамоа таркибида 92 нафар иқтидорли ўқувчи ўзларининг илмий-техник ишланмалари, инновацион ғоялари ва ижодий лойиҳаларини тақдим этиб, билим ва салоҳиятларини намоён қилмоқда.

 Танлов якунларига кўра, энг яхши натижа қайд этган иштирокчилар республика босқичига йўлланмани қўлга киритади.

 “Ихтирочиликка қадам” танлови ёшларнинг ижодкорлик ва инновацион фикрлаш салоҳиятини ривожлантириш, уларни янги ғоя ва ихтиролар яратишга руҳлантиришда муҳим аҳамият касб этади.