Ўзбекистон Республикаси Мактабгача ва мактаб таълими вазирининг тегишли буйруғига кўра, Бобожанов Қаҳрамон Ёқуббоевич Шовот тумани Мактабгача ва мактаб таълими бўлими бошлиғи лавозимига тайинланди.

 Қаҳрамон Бобожанов бугунги кунга қадар Шовот туман 2-сон спорт мактабининг оммавий спортни ривожлантириш ва селекция ишлари бўйича директор ўринбосари сифатида фаолият юритиб келган.

 Бугун Шовот туманида бўлиб ўтган йиғилишда янги раҳбар соҳа жамоатчилигига таништирилди.

 Қаҳрамон Бобожановнинг келгуси фаолиятига ривож тилаймиз.