Хабарингиз бор, 25-ноябрдан 4-декабр кунига қадар Урганч шаҳридаги 15-умумтаълим мактабида 1 700 нафардан ортиқ  9-10-11-синф ўқувчилари асосий фан олимпиадасининг Хоразм вилояти босқичида билимларини синовдан ўтказишди.

Бугун энг кучлилар бир манзилда жам бўлди. Олимпиаданинг тақдирлаш маросими кўтаринки руҳда ўтди. Унда Мактабгача ва мактаб таълими вазирлиги ҳамда вилоят Мактабгача ва мактаб таълими бошқармаси масъуллари иштирок қилиб, барча ғолибларни табрикладилар.

Шундан сўнг 15 та фан бўйича 1-2-3-ўрин эгаларига диплом ҳамда пул мукофоти тантанали равишда топширилди.

1-ўрин учун - 2 миллион 250 минг сўм
2-ўрин учун - 1 миллион 500 минг сўм
3-ўрин учун - 1 миллион 125 минг сўм пул мукофоти ажратилди.

Маълумот учун, жами ғолиблар сони 135 нафарни ташкил этган бўлиб, 45 нафар 11-синф ўқувчилари олимпиаданинг республика босқичида иштирок этишади.