Xabaringiz bor, joriy yilnning 15-22-sentabr kunlari Rossiyaning Sochi shahrida bo'lib o'tgan 3-Xalqaro ochiq astronomiya (OWAO-2024) olimpiadasida O'zbekiston terma jamoasi ishtirok etib 4 ta kumush va 2 ta bronza medallarni qo'lga kiritishdi.

Quvonarlisi shuki, O'zbekiston terma jamoasi a'zosi, Hazorasp tumani Ixtisoslashtirilgan maktabi o‘quvchisi  Rajabov Dilshodbek Xasan o‘g‘li  bronza medali sohibiga aylandi.

Bugun o‘quvchimiz Dilshodbek viloyatimizga qaytib keldi.

Dilshodbek Xorazm viloyati Maktabgacha va maktab ta’limi boshqarmasi boshlig‘ining birinchi o‘rinbosari Q.Zaripov,  boshqarma mutaxassislari,  maktab direktori, o‘qituvchilar, o‘quvchilar va ota-onalar ishtirokida munosib kutib olindi.

Tadbir davomida Q.Zaripov o‘quvchimizni erishgan yutug‘i bilan yana bir bor samimiy tabriklab, o‘qishlariga muvaffaqiyat tiladi. Ularning ota-onalari va ustozlariga minnatdorchilik bildirildi.