Joriy yil 4-6-iyun kunlari O‘qituvchilar  assotsiatsiyasi Xorazm viloyati bo'limi Xalq deputatlari Xorazm viloyati Kengashi huzuridagi jamoat fondi tomonidan moliyalashtirilgan "O'zgacha kutubxona" loyihasining sayohat yo'llanmasini qo'lga kiritgan Tuproqqal'a tumani 6-IDUM, Qo‘shko‘pir tumani 2-maktab, Shovot tumani 53- maktabning "Eng faol maktab", "Eng faol o'qituvchi", "Eng faol o'quvchi" nominatsiyalari g'oliblari bo‘lgan 15 nafar va 3 nafar o‘qituvchidan iborat guruh Alisher Navoiy nomidagi O'zbekiston milliy kutubxonasiga sayohat qildilar. Ular sayohat davomida kutubxona faoliyati, ma'naviy merosimiz hisoblangan asarlarning asl nusxalari, kutubxona kartotekasi bilan yaqindan tanishdilar.
Poytaxtning diqqatga sazovor joylarida bo‘ldilar, ko‘ngilli dam oldilar.